სამოქალაქო განათლების გაკვეთილები

თქვენს წინაშეა ინოვაციური ელექტრონული სასწავლო რესურსი „სამოქალაქო განათლების გაკვეთილები“, რომელიც შექმნილია იმისთვის, რომ მოსწავლეებს განუვითარდეთ თანამედროვე გამოწვევებთან გამკლავებისთვის აუცილებელი ცოდნა და უნარები.

ეს პლატფორმა აერთიანებს ინტერაქტიულ ელექტრონულ სახელმძღვანელოს, რომელიც ეფუძნება მოსწავლეებთან აქტიურ კომუნიკაციას, თემების განხილვას, ვიდეოებისა და მასალების ანალიზს, ტესტებს, გამოცდილების გაზიარებას და სიმულაციურ თამაშებს.

ყველა ეს ელემენტი სწავლების პროცესს ხდის მრავალფეროვანს, დინამიურს და პრაქტიკულს.

პროექტის მთავარი მიზანია ხელი შეუწყოს მოსწავლეების კრიტიკული აზროვნების, კომპლექსური მსჯელობისა და პრაქტიკული უნარების განვითარებას. ჩვენი ხედვაა: აღვზარდოთ თავისუფლების მოყვარული, პასუხისმგებლიანი, მორალურად მტკიცე, შემოქმედებითი და პროდუქტიული ადამიანები, რომლებიც შეძლებენ ინფორმირებული გადაწყვეტილებების მიღებას, საკუთარი წარმატების შექმნას და საზოგადოების კეთილდღეობაში მნიშვნელოვანი წვლილის შეტანას.

ვიმედოვნებთ, რომ „სამოქალაქო განათლების გაკვეთილები“, ისევე როგორც სახელმძღვანელოები „ეკონომიკის გაკვეთილები“ და „მეწარმეობის გაკვეთილები“, როგორც ერთიანი ინტეგრირებული მიდგომის მაგალითი, გახდება მოსწავლეების პიროვნული და სამოქალაქო ზრდის მძლავრი ინსტრუმენტი.